Ikkje kast matfeitt i vask eller do

Feitt og saus du skal kaste, kan du la gå i matavfall, eller restavfall om kommuna di ikkje har innsamling av matavfall. 

Slik gjer du:

• Små mengde olje i panna eller på steikebrettet kan du ta opp med tørkepapir. Dette kan du kaste saman med matavfall (restavfall om du ikkje har matavfall).
   
• La feitt frå juleribbe, pinnekjøt, smultgryte og liknande stå til det er avkjølt og stivna. Skrap det deretter ut, og kast saman med øvrig matavfall (evt. restavfall). Bruk gjerne tørkepapir for å få med alt feittet frå gryter og panner før oppvask.
   
• Feitt som ikkje stivnar kan du tøme i posen for matavfall og knyte godt igjen. Har du ikkje matavfall, heller du dette på tomflaske, set på korka og kastar i restavfall.

Du kan og bruke feittet på ny:

• Olje frå bokser med fetaost og oliven kan du bruke i salatar eller supper.
• Feitt frå pinnekjøt kan du dele i bitar og fryse ned som buljongterningar til lapskaus, sausar og andre retter.
• Feitt er viktig ingrediens i mange rettar, entan i form av smør eller olje. Restar av ribbefett kan fungere like godt i mange samanheng. Tips om bruk av fett fra matlaging (restevenn.no)

Feitt i avløpsrøyra skapar problem 

Flytande og størkna feitt som havnar i vasken, set seg i røyra. Då tettast avløpsrøyra til, både dine eigne og kommunen sine røyr. Det hjelper ikkje at du heller på med varmt vann og såpe. 

Feitt i avløpsleidning og -pumper set seg godt fast og kan ofte ikkje spylast bort. Det gir mannskapet i kommuna ekstra arbeid og unødig helserisiko. Medan mannskapet fjernar feittet manuelt, må avløpspumper bli stoppa. Kloakkvannet går urensa til sjøen så lenge arbeidet pågår.

Kostnaden for ekstraarbeidet ligg i avløpsgebyret du betalar.

Rottene ❤ feitt

Heller du feitt i vask og do, inviterer du til rottefest og legger forholda godt til rette for at lokale bestanddeler aukar i omfang. Skadedyra elskar matfeittet som set seg på veggane i avløpsrøyra. Eitt rottepar kan i løpet av eit år vere opphav til tusen nye rotter. 

Difor: Bruk tørkepapir for å få alt feittet ut av gryter, panner og tallerkenar før oppvask.