Det er huseigar sitt ansvar å kontrollere at du får utført slamtømming.

Slik foregår tømming

Vi varslar deg

​​​​​​​Du får varsel i god tid før tømming slik at du rekk å gjere klar slamanlegget. I varselet får du kun oppgitt vekenummer og ikkje vekedag. Vi ber om forståing for dette. Slamtømmer har ei lang arbeidsliste og tid brukt på kvart anlegg er svært varierande.  Difor er det utfordrande for slamtømmer å estimere eksakt dag.

Du klargjer anlegget

• Slamanlegget må vere gravd fram og fri for jord eller snø, slik at vi har enkel tilkomst til anlegg og kan tømme som planlagt.
• Grav også godt rundt loket slik at det er enklare å løfte av.
• Ikkje fjern kummelokk i forvegen. Dette for å unngå fall oppi kummelokk.
• Du treng ikkje vere heime ved tømming. Slamtømmar tar av kummelokk.
• OBS: for tunge kummelokk gjeld følgjande reglar:
  1. Det er ditt ansvar å fjerne loket slik at slamtømmer får tømt tanken.
  2. Sikre område rundt kummelokk godt, dersom du må fjerne loket før slamtømmer kjem.

​​​​​​​Du sikrar god tilkomst for tømmebil

• Tilkomstveg må vere fri for tre og buskas.
• Vegen må ha ei breidde på 3,5 m og ei fri høgde på 3,5 m.
• Hugs at dei som kjem for å tømme tanken ikkje veit nøyaktig kvar tanken er plassert. Merk difor plasseringa av tanken godt slik at dei tømmer riktig anlegg. Du kan og markere slamanlegget med ei tydeleg merka stikke.

Passar ikkje tidspunktet?

Dersom tidspunktet ikkje passar, er det viktig at du gir beskjed med ein gong. Kontakt oss her.

Dersom abonnenten ikkje tek kontakt og slamanlegget ikkje er klart, kan vi ikkje tømme anlegget. Då blir slamanlegget satt opp for tømming på eit seinare tidspunkt, og huseigar må vanlegvis betale eit ekstra gebyr.

Kva skjer ved manglande klargjering?

Om slamanlegget ikkje er klargjort/merka før tømming, eller vi blir forhindra frå å utføre tømminga når vi kjem på plassen, må du likevel betale slamgebyret.

Du kan sende klage/reklamasjon på arbeidet innan 3 veker etter at jobben er utført for at klagen skal bli vurdert.

 

Pris for slamtømming

Kvar av kommunane i Ålesundregionen har eigne prisar for slamtømming (sjå oversikt nederst på sida). Tømmegebyr blir normalt fakturert fleire gongar for året direkte frå din kommune.

Pris for ekstra- og naudtømming kjem i tillegg til det faste, årlege slamgebyret.
 

Frekvens på tømming

Bustad:
Slamavskiljarar skal tømmast minst annankvart år.
Tette tankar skal tømmast minst kvart år.

Hytter og fritidseigedomar: 
Slamavskiljarar skal tømmast minst kvart fjerde år.
Tette tankar skal tømmast minst kvart år.

 

ÅRIM sin entreprenør for slamtenester er Norva24 Vest AS. Vi tømmer slam i Fjord, Giske, Stranda, Sula, Sykkylven, Vestnes og Ålesund.

 

Scroll bortover for å sjå heile tabellen under.